Bjarkey Gunnarsdóttir

Komin aftur

2004-04-03T09:13:00.000Z

Jæja ég er að hugsa um að halda áfram að blogga svolítið. Frekar leiðinlegt að sjá ennþá jólasveina hér að neðan. Það hefur verið mikið að gera og ég færðist of mikið í fang í skólanum. Finn það núna að ég er alveg að koksa á þessu en ætla að reyna yfir páskana að redda öllu því sem eftir er - líklegt. Hvenær ætla ég þá að eiga tíma með fjölskyldunni??
Klara Mist er að koma norður í dag í páskafrí og Hrólfur Árni systursonur minn að fara til mömmu sinnar. Hann kom til okkar 28. febrúar þar sem hann varð fyrir miklu einelti í sínum skóla í borginni. Allt hefur gengið vel hjá okkur og hann hinn ánægðasti og vill ekki fara í borg Davíðs aftur.

Jæja best að fá sér morgunkaffi, gefa börnunum eitthvað í gogginn - fara svo út með hundana á göngu og setjast svo og horfa á Man. Utd. - Arsenal. Eftir það liggur leiðin til Akureyrar með drenginn í flug, taka á móti dótturinni og fara með mömmu á fyrirlestur.

Vona að veðrið verði eins frábært í dag og í gær þegar hitastigið fór uppí 16°c. Enda fór ég með mömmu út að ganga - við fórum of langt í fyrstu atrennu (hún er MS - sjúklingur) en þetta hafðist og hún þreytt en sæl.

Í bili....

Lokin

2003-12-06T12:51:00.000Z

Jæja kæru skólafélagar

Þá er þessu að ljúka. Sumt hefur verið erfitt annað ekki eins og gefur að skilja. Álagið er búið að vera mikið á mér allavegana. Hinir ýmsu verkir að láta að sér kveða og skrokkurinn að segja stopp. Svona er þetta líklega víða þegar maður ætlar sér of mikið.

Ég myndi gjarnan vilja blogga áfram en geri ekki ráð fyrir að þessi bloggsíða verði opin áfram.

Jólakveðja til ykkar allra og takk fyrir skemmtilegar umræður á spjallinu.

Bjarkey

Tónleikar- Brælublús

2003-11-23T10:46:00.000Z

Á milli verkefna reynir maður að létta sér aðeins lífið. Í gærkveldi fórum við hjónin á útgáfutónleika hjá hljómsveitinni Roðlaust og beinlaust á Glaumbæ í Ólafsfirði. Þeir félagar eru skipverjar á frystitogaranum Kleifabergi frá Ólafsfirði og eru að gefa út sinn annan disk.
Auk þess gáfu þeir út fyrir jólin í fyrra eitt jólalag sem var mikið spilað og í gær frumsýndu þeir myndband við það lag. Nýji diskurinn er alveg frábær og textarnir meira blandaðir en á þeim fyrri. Tveir gestasöngvarar eru þau Sigrún Eva Ármannsdóttir og Sævar Sverrisson og sungu þau með hljómsveitinni í gærkveldi.

Auk þess kom fram ungur Ólafsfirðingur, Gísli Hvanndal sem er að gefa út disk með frumsömdu efni og kemur hann út nú eftir helgina. Þetta er jóladiskur og söng hann fyrir okkur tvö lög sem bæði voru alveg frábær.

Það sem er skemmtilegt við allt þetta er að diskarnir eru unnir og gefnir út hér í Ólafsfirði í nýju fyrirtæki sem ber heitið Mogo. Eigandi þess er Magnús G. Ólafsson sem lengi hefur verið viðloðandi tónlistarlífið, bæði í hljómsveitum og svo hefur hann kennt við tónskóla Ólafsfjarðar í mörg ár. Hann er kjölfestan í hljómsveitinni Roðlaust og beinlaust í landi og syngur einmitt eitt lag á nýju plötunni.

Björgunarsveitir landsins fá þennan disk til sölu, eins og þann fyrri og fá allan ágóða af sölunni. Markmið hljómsveitarinnar Roðlaust og beinlaust er að gefa allan ágóða af þessu starfi sínu. Jóladiskurinn sem seldur var í fyrra var seldur til ágóða fyrir Regnbogabörn.

Ég hvet alla landsmenn til að kaupa þessa diska og styrkja með því góð málefni. Hægt er að panta í gegnum netið og þar getið þið einnig fengið ýmsar upplýsingar um áhöfn Kleifabergs.

Gott í bili.

Allt að gerast

2003-11-21T10:58:00.000Z

Jæja nú eru líklega all flestir fjarnemar og aðrir að setja sig í próf stellingar. Ég á eftir að skila nokkrum verkefnum og þarf því að halda vel á spöðunum þessa daga sem eftir eru.

Suðurferðin gekk vel og Tenórinn var alveg frábær. Ég fór líka á tónleika með kór Verzló og kór Háskóla Reykjavíkur þar sem Margret Eir söng með þeim og Monika spilaði á hörpuna. Alveg frábærir tónleikar, einnig tóku þátt námsráðgjafar og starfsmenn þegar sungið var um sælgætislandið.

Suðurferð

2003-11-12T21:09:00.000Z

Nú er vetrarfrí í Barnaskólanum þar sem ég kenni og því ætlum við hjónin að leggja land undir fót og skreppa suður á land. Þar ætla ég að hitta börnin mín tvö, annað í Versló og hitt í annars konar vinnu. Ætlunin er síðan að fara í leikhús með þá yngstu á Dýrin í Hálsaskógi og við hjónin ætlum svo á sunnudagskvöldið að sjá Tenórinn í Iðnó.

Ég þarf einnig að skólast svolítið þar sem ég ætla að taka viðtal við feðgin sem bjuggu í torfbæ. Það er hluti af verkefnaskilum í Sagnfræði og sögunámi sem er frábær áfangi í umsjón Þorsteins Helgasonar. Þessu eigum við að skila sem vef og aðstoðar Torfi okkur við þá framkvæmd sem þess þurfum. Ég er mjög spennt að hitta fólkið og þau mig þannig að frásögnin ætti að vera skemmtileg. Þorsteinn hefur gert nemendum að vinna svona torfbæjarverkefni nú sl. ár og getið þið skoðað afraksturinn hér.

Þannig að nú legg ég tölvuna til hliðar þessa daga þar sem ég ætla að nýta tímann með fjölskyldunni og einnig að huga að jólagjöfum sem senda þarf erlendis.

Gott í bili.

Talblogg

2003-11-09T17:14:00.000Z

Mér finnst þetta ferlega sniðugt þetta talblogg. Björn Valur, vinur minn, hefur verið að talblogga þegar hann hefur verið á sjónum og hélt ég að þetta væri voða mál.
En þar sem GSM er dýrt þá veit ég ekki hvort ég myndi vera til í að borga fyrir talblogg. Hugsanlega myndi maður blogga svolítið öðruvísi ef ættingjar eða vinir erlendis væru að kíkja á bloggið reglulega.
Gott í bili.

2003-11-09T17:08:00.000Z

Skilaboð sendi ég
Sent með GSMbloggi Og Vodafone

Skólaheimsókn og glærur

2003-11-03T22:15:00.000Z

Er búin að vera að vinna í skólaheimsókninni og á bara eftir að setja inn myndir.

Löngu búin með glærurnar - eða þannig. Ég lenti í vandræðum með að birta effecta. Setti bæði hreyfingu á textann og myndir í verkefnið en það stoppaði eitthvað þegar ég ætlaði svo að birta það á vefnum. Veit ekki hvað veldur en er að reyna að fá aðstoð í því. Ef einhver les þetta og veit eitthvað um málið má sá hinn sami hafa samband við mig.

Verkefnavinna - feministavika

2003-11-01T12:06:00.000Z

Nú er mikið að gera og eins gott að hafa hraðar hendur. Ég hef ekki getað fengið allar þær upplýsingar sem ég vildi til að geta lokið við skólaverkefnið en er búin að fá loforð um að það gangi á mánudaginn.

Mér finnst gasalega gaman að spjallinu og finnst margt fróðlegt koma þar fram. Ég hef að vísu ekki mikinn tíma til að lúra yfir því en finnst það heldur ekki þurfa neitt frekar. Bara að droppa inn og sjá hvort eitthvað í umræðunni höfðar til mín eða ekki. Hef reyndar ekki verið dugleg að koma sjálf með fyrsta innlegg til að örva umræðurnar en þó sinnt því aðeins.

Hef verið að fylgjast með feministavikunni og fannst margt mjög fróðlegt og skemmtilegt sem þar kom fram. Fékk reyndar í pósti það helsta sem var á döfinni svo ég gat nýtt nettímann betur. Skora á ykkur að fá þetta sent til ykkar- vona að sjálfsögðu að þið séuð öll feministar, svona inn við beinið.
Kíkið á vefinn

Gott í bili

Glærurnar

2003-10-27T23:07:00.003Z

Sælt veri fólkið

Ég er nú ekki ýkja klár á Power Point en þegar ég ætlaði að setja effecta á glærurnar þá birtist bara fyrirsögn eða enginn texti eða ekkert. Búin að eyða allt of löngum tíma í þetta í kvöld. Ég ætlaði að láta það sem ég skrifaði með hverri glæru birtast með en það virkar heldur ekki.
Ég vistaði skjalið sem htm. og þá kom allt sem ég var búin að gera. Þá brá svo við að þegar ég dró hana inn í navigation þá virkaði hún ekki á vefnum. Ekki hef ég meiri kunnáttu en það að nú er ég strand. Þarf að leita mér upplýsinga um þetta á morgun.

Gott ? bili

Ritgerðarskil og fleira

2003-10-21T23:16:00.000Z

Sælt veri fólkið

Var að klára ritgerðina í Bernskunni og unglingsárunum......hjúkk.
Hef verið að viða að mér upplýsingum um skólaverkefnið. Varpaði fram spurningum í tölvupósti og ætla svo í heimsókn til að taka myndir og fá hugsanlega ítarlegri svör.

Þarf að kanna hvort ég á að skila fleiri heimasíðum í þessum áfanga, veit ekki hvort ég er að misskilja en finnst endilega að ég eigi að gera vef um eitthvað sjálfvalið.

Gott í bili.

Dægurþras

2003-10-20T16:09:00.000Z

Góðan daginn

Dagurinn hefur verið annasamur en ágætur. Krakkarnir mínir í 4. bekk voru ósköp ánægð að vera búin að ljúka samræmdum prófum án þess að ég hafi verið að leggja ofuráherslu á þau. Við æfðum aðallega hlustunina og hvernig þeim væri háttað, annað var bara hefðbundin kennsla.

Nú er ég búin að vera í bókhaldinu á Vélsmiðjunni og hefur gengið vel undan mér í dag. Ég er að hugsa um að hætta snemma og fara í leikfimi kl. 17. Síðan ætla ég að reyna að klára verkefnið í Bernskunni og unglingsárunum sem við erum nokkrar saman með. Við hittumst á Akureyri í gær og ákváðum samsetninguna. Nú þarf að fínpússa, tók það að mér.

Gott í bili.

Verkefnaskrif

2003-10-18T15:14:00.000Z

Sælt veri fólkið

Nú rétt í þessu var ég að ljúka við uppkast að ritgerð í áfanganum Bernskunni og unglingsárunum. Við erum fjórar og ákváðum að fjalla um kynlíf. Þar völdum við að fjalla um Námsefni, samkynhneigð og kynferðislegt ofbeldi. Minn hluti er sá síðasttaldi og ætlum við svo að hittast á morgun og ljúka verkefninu. Margt fróðlegt er að finna á vefnum um þessi mál og má benda á doktor.is

Ég hef líka verið að fylla út leiðarbókina mína í Inngangi að samfélagsgreinum sem við eigum að skila fljótlega. Henni eigum við að skila tvisvar eða þrisvar á önninni.

Nú kallar maðurinn og yngri dóttirin á mig og vilja að ég standi við vöfflur og kaffi sem ég var víst búin að lofa þeim þegar þau kæmu inn. Þau eru búin að vera svo dugleg í viðhaldi hér úti.

Gott í bili.
Bjarkey

Vefsíðan - leiðangurinn

2003-10-13T21:25:00.000Z

Jæja, nú er ég loksins að kveikja á flestum perum. Vefleiðangurinn sem ég var svo óörugg með er kominn í loftið og ég ákvað að láta vefsíðuna mína standa eins og hún er - í bili. Ætla að reyna að gera hana betri í sumar - hreinlega endurbyggja hana.

Ég ætla að gera annan vef um hana Sunnu mína sem er ferfætlingur. Hún er af gerðinni Cavalier King Charles Spaniel og átti hvolpa fyrir réttu ári. Við erum alveg í hundunum þessi fjölskylda og ætlum að halda áfram í ræktuninni.

Mér finnst gasalega gaman á skólaspjallinu og hugsaði fyrst að það væri mun skemmtilegra heldur en að blogga en auðvitað er þetta tvennt ólíkt. Hérna er maður að hugsa upphátt með sjálfri sér en í hinu að spjalla við skólafélagana.

Gott í bili

Pólitíkin - skólinn og allt hitt

2003-10-12T16:41:00.000Z

Sælt veri fólkið

Ég var á aðalfundi kjördæmisráðs Vinstri grænna á Akureyri í gær. Það var góð mæting og margt gott spjallað. Kosning í stjórnina minnti á gamla tíma það var kosningabarátta og fleiri í framboði en laus sæti. Allt fór þetta nú bróðurlega fram og fékk undirrituð þann heiður að vera kosin varaformaður.
Ýmsar ályktanir voru samþykktar og koma þær til með að birtast að einhverju leiti í fjölmiðlum næstu daga en annars bendi ég áhugasömum á www.vg.is

Ekki má nú gleyma því að eldri dóttir mín hún Klara Mist var 16 ára í gær og þessi elska er í Versló þannig að mamma gat ekki knúsað hana - nema með orðum í gegnum símann.
Hún kemur heim um mánaðarmótin í vetrarfrí og mikið rosalega hlakka ég til.

Þegar ég kom heim í gærkveldi fór ég að vafra eins og oft áður.

Skoðaði ég m.a. feministann.is og sá að Salvör hafði útbúið spjallborð þar eins og það sem við erum að vinna við í áfanganum upplýsingatækni og skólastarf. Skoðaði einnig malefnin.com og fannst mörg umræðan þar ágæt en margt er tóm þvæla eins og vill verða þegar allir geta látið gamminn geysa- "nafnlaust".
Ég sá að vefstjórinn sá ástæðu til þess að minna fólk á að gæta orða sinna.

Í dag er ég búin að vafra á netinu aðallega á khi vefnum þar sem ég tók eftir því að ég var ekki skráð í vettvangsnámið eftir áramótin. Auk þess er ég alltaf komin fram úr sjálfri mér og prentaði út stundatöflurnar fyrir 6. og 8. misseri vor 2004. Bara til að sjá - eða þannig.

Í morgun var ég að vinna í inngangi að samfélagsgreinum og held því aðeins áfram núna á eftir. Er öll að ná áttum með námið - ótrúlegt hvað aðferðafræðin þrykkir manni niður. Nú er smá pása þar og þá finnst manni allt annað svo auðvelt.

Ný tækni

2003-10-07T14:24:00.000Z

Sælt veri fólkið

Ég var nú að reyna að komast inn á spjallið gagnvirka í morgun en ekki gekk það þrautalaust. Ég gat ekki fundið hnapp þar sem stóð skráning. Svo fær maður aula fyrirmæli þegar smellt er á algengar spurningar og maður spurður hvort maður hafi ekki skráð sig !!
En ég sendi inn smá væl og vona að einhver sjái aumur á mér og leiðbeini mér.

Annars er ég að dragast afturúr þessa dagana og þarf að gæta þess að lenda ekki í þeim pytti að sjá ekki útgönguleið.

Gott í bili.

Vefleiðangur

2003-10-02T14:34:00.000Z

Ég er komin svolítið á eftir með þennan áfanga. Barðist við að gera heimasíðuna hér í skólanum á mánudagskvöldið. Síðan sem ég gerði í fyrra í fyrsta áfanganum er mjög léleg svo ég ætla að reyna að bæta úr því. Mér tókst ekki að tengja þær saman!!!!!

Hvað varðar vefleiðangurinn þá hafði ég hugsað mér að hafa hann um Eyjafjörð þar sem það er nærtækt mínum nemendum og ég get þá nýtt mér í kennslu.

Ef ég skil þetta rétt þá eigum við að gera tvær heimasíður ?? Eina sem inniheldur skilasíður og aðra undir henni um eitthvað sem okkur langar að kynna - eða hvað'

Nú er ég hætt.

Dagur stærðfræðinnar

2003-10-02T14:31:00.000Z

Sælt veri fólkið

Ég hef verið með nemendur í tölvum og hefur efnið verið tengt degi stærðfræðinnar. Við höfum heimsótt ýmsa vefi m.a. rasmus, primarygames og Gullkistuna svo eitthvað sé nefnt.

Þau yngstu hafa tekist á við - og + en þau eldri við brot. Á primarygames eru margvíslegir "leikir" þar sem nemendur takast á við stærðfræðihugtök.

Gott í bili.

Það er sem ég segi!!

2003-09-30T20:53:00.000Z

Svona leit þetta út í gær þegar ég var að reyna heima. Það getur gert hvern mann vitlausann að þurfa að bíða eftir þjónustu frá Símanum.

Mér tókst ekki að draga inn myndir beint í images á vefsvæðinu mínu þegar ég fór á krækjuna hjá Salvöru í leiðbeiningunum. Veit ekki hvað ég er að gera rangt. Ekkert mál með vefslóðir en myndirnar gengu ekki. Fór gömlu leiðina að vista og svo videre.

Ég er svo mikill rati en mig langar til þess að hafa svona dagatal sem skiptir sjálfvirkt en það hefur ekki tekist að koma því rétt. Ég reyndi einhvern tímann að gera þetta eftir uppskrift frá Hörpu Hreinsd. en eitthvað smotterí hefur klikkað hjá mér.

Gott í bili

Glærurnar

2003-09-29T21:14:00.001Z

Ég set inn í krækju hér glærurnar mínar. Vona að það takist.

Það gengur vægast sagt illa að fá þráðlausa ADSL til að virka. Nú er ég tengd við kapal en í hádeginu gekk það ekki einu sinni.

Ég er nú að verða frekar leið á því að hringa í þjónustuaðilann þ.e. símann og fá aðstoð. Maður bíður í 30. mín. og er sagt að gera þetta og hitt og þeir vilja ekki bíða eftir því hvort hlutirnir virka og segja manni að hringja bara aftur ef þetta gengur ekki. Nú er þetta búið að ganga svona síðan 20.sept. svo ég er eiginlega alveg að truflast á svo lélegri þjónustu.
Búið er að skoða vélina og ekkert er að henni svo það hlýtur að vera eitthvert smotterí sem ekki er að virka rétt. Alla vega, ég er bókstaflega handalaus að komast ekki á netið hér heima þegar mér hentar.

Nú er ég búin að hella úr skálum reiði minnar og ætla að fara að eiga við vefgerðina og vona að netsambandið haldi.

Gl�rurnar

2003-09-29T21:14:00.000Z

�g set inn � kr�kju h�r gl�rurnar m�nar. Vona a� �a� takist.

�a� gengur v�gast sagt illa a� f� �r��lausa ADSL til a� virka. N� er �g tengd vi� kapal en � h�deginu gekk �a� ekki einu sinni.

�g er n� a� ver�a frekar lei� � �v� a� hringa � �j�nustua�ilann �.e. s�mann og f� a�sto�. Ma�ur b��ur � 30. m�n. og er sagt a� gera �etta og hitt og �eir vilja ekki b��a eftir �v� hvort hlutirnir virka og segja manni a� hringja bara aftur ef �etta gengur ekki. N� er �etta b�i� a� ganga svona s��an 20.sept. svo �g er eiginlega alveg a� truflast � svo l�legri �j�nustu.
B�i� er a� sko�a v�lina og ekkert er a� henni svo �a� hl�tur a� vera eitthvert smotter� sem ekki er a� virka r�tt. Alla vega, �g er b�kstaflega handalaus a� komast ekki � neti� h�r heima �egar m�r hentar.

N� er �g b�in a� hella �r sk�lum rei�i minnar og �tla a� fara a� eiga vi� vefger�ina og vona a� netsambandi� haldi.

Tæknisaga

2003-09-27T10:42:00.000Z

Hérna kemur yfirlit yfir tæknisöguna mína svona fljótt á litið í morgunsárið.

Tölvur

Margt nýtt hefur bæst í tæknisarpinn á þessu ári. Ég kynntist bloggernum nú í sumarlok hjá Salvöru og þykir það bara skemmtilegt að blogga. Eins og hjá flestum hefur verið tölva á heimilinu í mörg ár.
Tölvurnar hafa “vaxið” með þróuninni og eigum við nú tvær, þ.e. borðtölvu og fartölvu. Ég vinn að mestu á fartölvuna, sem er tveggja ára, og þykir það gott. Þarf reyndar að kaupa mér reiknilyklaborð, finnst eiginlega ómögulegt að vinna við tölur annars.

Ég vinn öll mín verkefni á þessu námskeiði á fartölvuna auk þess sem ég undirbý kennsluna að mestu fyrir framan tölvuna. Allar kennsluáætlanir, verkefni sem ég læt nemendur vinna o.s.frv. Að vísu er fín tölvuaðstaða í skólanum , það voru keyptar Dell tölvur fyrir tveim árum, og nýti ég mér það ef það hentar betur.

Ég er nýbúin að fá ADSL tengingu 1512 og er það alveg frábært. Maður uppgötvar hvað það er mikill tímasparnaður þegar hlutirnir gerast með slíkum hraða í stað 56Kb/s. módem tengingar.
Við sendum mikinn tölvupóst til vina og vandamanna, bæði grin og annarskonar post. Ég hef mikinn áhuga á því að eiga dagleg samskipti við foreldra nemenda minna í gegnum tölvupóst en ekki eru allir jafn virkir eins og gefur að skilja. Það á vonandi eftir að aukast í framtíðinni.

Ég held að skólinn komi til með að ýta svolítið undir það þegar Fjölskylduvefur Stundvísiforritsins verður tekinn í notkun nú um mánaðarmótin okt. nóv. 2003.

Sjónvarp

Eins og hjá flestum landsmönnum er sjónvarp á heimilinu. Þau eru reyndar tvö nú í augnablikinu þar sem tvö elstu börnin eru farin að heiman og tóku tækin með sér. Ég nota aðeins textavarpið til að skoða fréttayfirlit þar sem ég missi allt of oft af fréttum. Við erum með Stöð 2 og Sýn og Bíórásina þegar Sýn er ekki inni. Við erum bæði fótboltafíklar hjónin og horfum mikið á enska boltann.

GSM - síminn

Ég nota GSM – símann töluvert. Keypti mér reynda í fyrsta skiptið síma nú í vor, Sony Eriksson og er enn að læra á hann. Hafði notið þess að “erfa” síma frá syninum sem skipti nokkuð ört. Þegar ég fer í burtu nota ég hann til þess að vekja mig og þykir það þægilegt. Ég nota hann ekki mikið til að senda SMS, en það er líka vegna þess að ég á eftir að finna mér tíma til að læra betur á hann og held að ég auki þann sendingarmáta þegar ég kann meira á hann. Hann kemur líka að góðum notum sem símaskrá þar sem allflestir sem maður er í samskiptum við eru í “prívat” símaskránni. En auðvitað er GSM-inn fyrst og síðast notaður til að tala í og vegna vinnu minnar þarf ég að hafa hann alltaf á mér.

Myndavélar

Ég hef afnot af stafrænni myndavél og er slík vél líka til í skólanum þar sem ég vinn. Hún er töluvert notuð í vinnunni en ég þarf að vera duglegri hér heima. Maður framkallar nánast ekkert af myndum en geymir þær í tölvunni eða á diskum. Ég á stafræna kvikmyndavél og skólinn líka og er ég þessa dagana að læra að gera fleira en að taka upp. Hvernig ég flyt efni á milli og útfæri það nánar.

Samantekt

Eins og þessi pistil ber með sér þá er tæknin stór hluti af daglegu lífi mínu eins og margra. Ég velti því stundum fyrir mér hvernig maður fór að og hvað allt gekk hægar fyrir sig fyrir ekki svo löngum tíma. Nú getur maður náð í krakkana hvenær sem er að vísu er ég ekkert sérstaklega hlynnt því að mjög ungir krakkar séu með GSM þar sem rannsóknir benda til þess að mikil notkun sé ekki góð fyrir heilastarfsemina. Auk þess hafa tækifærin til eineltis aukist með tilkomu SMS eins og lesa má í blöðunum.
Framtíðarsýn
Eins og flest heldur tæknin áfram að þróast og engin leið fyrir mig “amatörinn” að spá fyrir um hana. Ég heyri fólk oft segja; hverjum hefði dottið í hug að hægt væri að tala við fólk erlendis og horfa á það um leið. Að geta fylgst með fólkinu sínu og öðrum nánast sama hvar það býr á jörðinni er auðvitað frábært og vona ég að allt í kringum það verði ódýrara þannig að sem flestir geti nýtt sér það sem í boði er.
Mig langar til að eignast skanna og læra mun betur allskonar myndvinnslu. Við hjónin ákváðum að bíða með að kaupa okkur DVD þar sem við sjáum ekki fram á að nota það mikið alveg á næstunni. Nýta betur það sem til er t.d. myndavélarnar. Auk þess langar mig að eignast þráðlausa mús og annað sem verður til hægindaauka við tölvuvinnuna.

Dagarnir líða

2003-09-25T14:52:00.000Z

Sælt veri fólkið

Ég hef aðeins verið að skoða bloggið hjá samnemendum. Vil óska Fjalari til hamingju með nýja og mjög góða síðu Valsárskóla.
Ég er enn í því ástandi að finnast ég vera að drukkna en vonandi finn ég björgunarhring fljótlega og kem mér uppúr.
Þetta fag finnst mér skemmtilegast og þaf því að finna því góðan tíma. Það er einhvern veginn þannig með áætlanirnar eins og ég sá að Laufey Herdís hafði líka lent í að þær eiga það til að raskast.
Maður verður bara að bretta upp ermarnar og búa til nýja námsáætlun.

Gott í bili

Allt að gerast

2003-09-23T14:10:00.000Z

Sælt veri fólkið.

Nú er allt að gerast þessa dagana. Aðferðarfræðin alveg að drepa mig og allt of mikill tími sem í hana hefur farið. En það þýðir víst ekkert að kvarta og kveina heldur bíta á jaxlinn og halda áfram.
Ég hef ekki haft mikinn tíma til þess að skoða nýjustu fyrirlögnina hjá Salvöru en það eru spennandi tímar framundan í faginu.
Í Barnaskóla Ólafsfjarðar eru nú þemadagar tengdir eineltisáætluninni Olweus. Krakkarnir eru að vinna að ýmsu og á morgun er opinn dagur þar sem afraksturinn verður sýndur. Skora á ykkur að fylgjast með og sjá myndir af vinnunni. Meðal annars er samkeppni um slagorð á barmmerki.

Glærurnar

2003-09-18T14:50:00.000Z

Sæl veri fólkið

Ég er búin að búa til glærur sem tengjast Skræðu, sem er notuð í íslenskukennslu á miðstigi. Mér fannst alveg tilvalið að setja efnið svona fram og nýta það beint í kennsluna.

Ég var svo sem einnig komin með hugmyndir af kynningu á MS og set það kannski hér inn þegar ég hef fíniserað það svolítið. Mikil umfjöllun hefur verið nú síðustu daga um MS og má sjá viðtal við unga stúlku í Mogganum í dag sem greindist með MS fyrir þrem árum þá 22 ára.

Tölvan mín bilaði en loksins er nú séð fyrir endann á því. Það er alveg ótrúlegt hvað maður er handalaus þegar hana vantar blessaða.

Kveð í bili.

Dagarnir líða

2003-09-15T12:01:00.000Z

Góðan daginn

Mér finnast dagarnir líða heldur hratt núna. Það er fyrst núna sem skema fyrir sum fögin liggur fyrir og það plan sem ég var búin að gera er auðvitað kolfallið. Þetta finnst mér verulega slæmt og skil í raun ekki af hverju við þurfum að bíða eftir því hvort staðnemar geri athugasemdir við kennsluáætlanir. Ekki fengum við í hendurnar kennsluáætlanir til þess að gera athugasemdir við. Smá urrrrrrrrrrrrrrrg.

En vefrallýið sem ég setti í krækju hér fyrir neðan á ég víst að setja bein hér inn.

Nú farið þið inn á vef Skíðafélagsins og finnið svörin við spurningunum hér að neðan. Svörin setjið þið inn í Word skjal og vistið á svæði merktu vefrallý. Síðan sendið þið mér niðurstöðuna í tölvupósti. bjarkey@barnol.olf.is

Hvar er Skíðafélag Ólafsfjarðar til húsa?

Hver er formaður félagsins?

Hver hefur yfirumsjón með skíðasvæðinu?

Hver er formaður alpagreinanefndar?

Hver er formaður norrænugreinanefndar?

Hvert er keppniseinkenni félagsins?

Hvað eru margir félagar og iðkendur?

Hvað stendur húsið marga metra yfir sjávarmáli?

Hvað er skálinn margir fermetrar?

Hvað er pláss fyrir marga í gistingu á svefnloftinu?

Hvar má nálgast upplýsingar um gistingu?

Hverjir eru þjálfarar í skíðagöngu?

Hver þjálfar í alpagreinum og hvaða Ólafsfirðing þjálfaði hann m.a. sem ungling?

Vefrallý

2003-09-07T12:17:00.000Z

Góðan daginn

Ég er búin að gera lítið vefrallý sem ég setti inn á heimasíðu Barnaskóla Ólafsfjarðar þar sem ég vinn.
Ég hef ekki komist í það ennþá að láta hreinsa tölvuna mína þar sem ég tel að finna megi vírus á henni. Fer á Akureyri á miðvikudag og hef hana þá meðferðis.
Er núna stödd í skólanum að vinna bæði fyrir námið mitt og einnig að undirbúa kennslu næstu daga.
Gott í bili.

MS-sjúkdómurinn

2003-09-05T10:25:00.000Z

Ég frétti í gær að móðir mín væri með MS-sjúkdóminn. Hún er búin eiga mjög erfitt ár svo í rauninni var gott að fá að vita hvað væri að. Það er þó alltaf ákveðið áfall þegar sjúkdómsgreining er staðfest hver svo sem hún er.
Ég veit í sjálfu sér ekki mikið um MS en hef þó lesið og fylgst með því sem á veg minn hefur rekið. Ég fór því inn á síðu MS-félagsins og einnig Doktor.is þar sem finna má greinagóðar upplýsingar um sjúkdóminn.
Kerfið hjá mér er eitthvað hægvirkt núna svo ég skrifa meira seinna.

Skemmtilegar síður

2003-09-04T20:31:00.000Z

Ég er eins og fleiri búinn að fá þetta bölvaða kvef og síðustu dagar bara hóst og snít. En ég hef skoðað nokkara vefi fyrir kennara sem að mér finnast fínir. Einn af þeim sem nýtist bæði kennurum til undirbúning kennslu og einnig nemendum beint er Vefbanki Valla sem er frábær. Einnig fannst mér þessi vefur frá Íslenska menntanetinu gagnlegur við að búa til einföld gagnvirk próf. Hérna má svo finna annan þar sem einnig er hægt að búa til gagnvirk próf - verkefni með krossum, fellirömmum og textainnfyllingum. Svo eru fínar hugmyndir á solskin.is um útiverkefni.

Kveð í bili.

Samskiptaforrit og fleira

2003-09-02T13:15:00.000Z

Ekki hef ég gefið mér tíma til þess að skoða þau samskiptaforrit sem Salvör benti okkur á og ég sé að sumir hafa gert. ég hef grun um að tölvan mín hafi að geyma vírus sem hefur orðið til þess að öll vinnsla er frekar hæg og stundum er ekki hægt að opna t.d. Webbinn og nú get ég ekki opnað Front Page. Það er sem sagt kominn tími til að skoða málið nánar af þeim sem veit meira en ég.
Vil benda ykkur á síðu sem vinur minn, Björn Valur heldur úti og er mikið skoðuð af heimamönnum hér og burtfluttum Ólafsfirðingum.

Um mig

2003-08-31T16:53:00.000Z

Salvör lagði til að við kynntum okkur örlítið. Ég er 38. ára búsett í Ólafsfirði, gift Helga Jóhannssyni sem er þjónustustjóri í Sparisjóði Ólafsfjarðar. Við eigum 3. börn Tímon Davíð sem er 21 árs, Klöru Mist sem er 16 ára og Jódísi Jönu sem er 4 og hálfs árs. Davíð er að vinna í Reykjavík og Klara Mist er nýbyrjuð í Versló. Viðbrigðin eru mikil að vera bara með þá litlu heima, en þetta gerist víst alla jafna að fuglarnir fljúgi úr hreiðrinu.
Ég hef verið að kenna s.l. þrjú ár var með 5. bekk og skilaði þeim af mér nú í vor. Í vetur er ég með umsjón yfir 4. bekk og kenni auk þess tölvu og upplýsingatækni í nokkrum bekkjum. Ég vinn líka á Vélsmiðju Ólafsfjarðar og hef séð um bókhald og laun þar í ein 14 ár.
Þá held ég að þetta dugi.

Fyrir okkur og alla hina

2003-08-31T16:43:00.000Z

Sælt veri fólki
Ég er nú loksins komin heim í heiðardalinn eftir útlegð í Reykjavík. Þar sótti ég læknisþjónustu og var því ekki að vafra á netinu á meðan. Auk þess hafði ég ekki aðgang að tölvu.
Fór strax eftir foreldraviðtölin sem gengu alveg ágætlega.
Ég hef skoðað og notað nokkra vefi mis góða eins og gengur en ég get mælt með bókasafni Garðabæjar og Barn-ung. Þeir eru alveg frábærir. Í lok skólaársins skoðaði ég svo Gullkistuna og líst mjög vel á hana svona fljótt á litið hef þó ekki prófað hana í kennslu.
Skora á ykkur að prófa þá alla og bendi sérstaklega á fjölbreyttan vef bókasafns Garðabæjar.
Gott í dag.

Ekki virkar allt

2003-08-24T21:46:00.000Z

Ég er á kafi í próflestri ásamt því að undirbúa foreldraviðtöl svo lítill tími gefst til annars þessa dagana. Ég hrökk við þegar ég uppgötvaði að ég á að skila spurningu í aðferðarfræðinni þann 29. ágúst. Þar sem ég sat ekki nema fyrsta tímann þá er þetta ekki fast í minninu, en sem betur fer hafði ég bæði augu og eyru fyrir mína hönd í aðferðarfræðitímunum en það voru Valgerður og Helga Dögg. Mér finnst þetta hins vegar ekki gott að setja skilaverkefni svona strax því margur er í sömu sporum og ég að lesa undir upptökupróf sem eru í næstu viku.
Svo á að skila í upplýsingatækniáfanganum 1. sept. en ég geri nú ráð fyrir því að það sé ekki alheilagt.
WebCT er ekki alveg að virka. Stundum er hægt að opna spjallið en stundum ekki. Pósturinn virkar líka á stundum svo hlutirnir eru ekki alveg á áætlun hjá mér og líklega fleirum. En þetta kemur nú líklega allt von bráðar og allir verða að taka tilliti til ástandsins á ormaflóðinu í tölvunum.

Á morgun eru foreldraviðtöl í skólanum og ég tek á móti nemendum í 4. bekk sem ég hef ekki kennt áður. Bæði smá stress og kvíði að þar sem tíminn til undirbúnings hefur ekki verið nægjanlegur þar sem ég var í staðbundnu lotunni þegar starfsdagar kennara voru. Ég var að vísu búin að undirbúa kennsluáætlanir að mestu en þar sem ég er að kynnast nemendunum þá finnst mér að líða þurfi svolítill tími þar til hægt er að ljúka kennsluáætlun. Svo má segja að henni ljúki aldrei hún er auðvitað alltaf opin ef eitthvað spennandi býðst.

Jæja gott í bili.

Heimkoma

2003-08-22T22:30:00.000Z

Jæja, þá er ég loksins komin heim í heiðardalinn og mikið rosalega er það nú gott. Allir orðnir frískir og tilbúnir í slaginn.
Mér fannst rosalega erfitt að kveðja dóttur mína sem var að byrja í Versló en ég sé hana aftur í næstu viku svo við fáum smá aðlögun.
Ég er mikið þreytt eftir þennan Reykjavíkurtúr þar sem við þeyttumst borgina á milli því það á alltaf allt að gera á þeim fáu dögum sem maður stoppar í borginni í einu. Við aðstoðuðum soninn við að kaupa sér sína fyrstu íbúð ásamt því að fara með eldri dótturina í búðir og koma henni fyrir á nýjum stað og síðan varð að fara með þá yngstu í fjölskyldugarðinn.
En nú þarf ég að klára að undirbúa kennsluna og 4. bekkjar stofuna um helgina svo það verður nóg að gera.
Ég læt ormaveisluna á khí fara svolítið í taugarnar á mér þar sem ég eins og líklega flestir nemendur erum með dagskrána þéttskipaða sem þolir ekki mikil frávik. En ekki þýðir að bölva Birni bónda...
Gott í kvöld, kominn í mig svefngalsi.

Hvalveiðar eða hvalskoðun

2003-08-18T15:36:00.000Z

Nú eru uppi skiptar skoðanir um hvort hvalveiðar séu góðar eða slæmar fyrir ferðaþjónustuna. Nú þegar eru lagðir af stað til þess að spilla fyrir hvalföngurum félagar úr Greenpeace.
Allir hafa skoðun á hvalveiðum og í lesendabréfi Morgunblaðsins 23. júní má lesa eina slíka skoðun.
Einnig var sagt frá því í Mogganum að náttúruverndarsamtökin World Wildlife Fund hefðu fordæmt ákvörðun stjórnvalda í þessu efni.
Þið sem viljið kynnast þessum samtökum nánar skoðið þetta.

Hvalavefurinn er með heimasíðu þar sem m.a. er fjallað um hvalveiðarnar. Bent er á að hvalaskoðunarferðir skipi stóran sess í ferðamennsku hér við land og skapi meiri tekjur en hvalveiðar myndu gera. Skoða má vef Norður-siglingar á Húsavík. Á Húsavík er einnig hvalaskoðunarmiðstöð hér má finna umfjöllun Kristjáns Inga nemanda úr K.H.Í. um hana.
Finna má upplýsingar um skoðunarferðir frá Reykjavík hér.

2003-08-17T17:18:00.000Z

Ekki lærði eg i gær eins og efni stoðu til. Lenti a spjalli við Laufeyju um namið og siðan var skolastjorinn minn i sambandi vegna stundatöflunnar.
Maðurinn minn og dætur komu i gær og nutum við menninganottar saman. Eftir flugeldasyningu heldum við heim a leið og hittum þa soninn og kærustuna sem voru að skemmta ser og einnig Helgu systur. Þau komu með okkur sma stund i Soleyjargötuna en siðan var þeirri yngstu komið i hattinn. Ekki leið hins vegar a löngu þar til su stutta byrjaði að æla og gekk það a með hleum fram eftir nottu, svo þreitan hefur yfirhöndina þennan sunnudaginn. Þetta verður bara að koma i ljos með proflesturinn.

2003-08-16T10:50:00.000Z

Það var frekar erfitt að vakna í morgun, dagarnir hafa verið frekar langir hjá mér. Ég er svo mikill landsbyggðargrís að umferðin truflaði mig þar sem ég reyndi að sofna á Sóleyjargötunni en það hafðist fyrir rest. Ég var á þingfundi í gærmorgun og flokkráðsfundi hjá VG í gær strax eftir skóla og fram eftir kvöldi. Skaust aðeins heim og skipti um föt. Fór svo reyndar í bíó með Þurý og Gullu og við sáum Harrison Ford- alltaf góður. Það var gott að slaka á í bíó.

Ég ætti núna að vera að læra fyrir stærðfræðipróf sem verður 27. ágúst en á eitthvað erfitt með að hafa mig í gang. Ég var lasin í desember þegar prófið var og fannst ferlegt að geta ekki tekið það strax t.d. í janúar en þurfa í staðinn að rifja þá takmörkuðu þekkingu upp sem ég var búin að ná núna þegar allt annað nám hellist yfir, en svona er nú það.

Ég sé að þetta blogg hentar mér ágætlega til að setja óreglulegar hugsanir mínar á blað og gæti orðið aðhald ef ég vinn þetta af einhverju viti.

Nú er fjölskyldan mín á leiðinni suður og eldri dóttir mín að fara í Versló þannig að ég veit að ég verð að lesa eitthvað fram að þeim tíma þar sem ég vil nota tímann eftir minn skóla til að sinna þeim.

Dríf í þessu núna.

Tölvukennsla

2003-08-15T15:09:00.000Z

Það verður gaman þegar maður getur farið að nota alla þessa tækni sem lærist vonandi i vetur a þessu namskeiði. Eitthvað gengur mer illa að fa kommurnar til að virka i tölvunni her a Soleyjargötunni.

Tengingar

2003-08-15T14:51:00.000Z

Friendster er áhugverð vinasíða.
Heimasíðan mín.
Málefnin eru alltaf góð.

Fyrsti tíminn

2003-08-15T14:31:00.000Z

Núna er fyrsti tíminn í upplýsingatækni og skólastarfi og er nemendafjöldinn það mikill að helmingur hópsins þurfti að taka sér eins og hálfs tíma pásu. Fjalar samnemandi minn býr við þann kost að þurf að sitja við hlið mér þar sem tölvur skólans eru ekki allar í lagi. En þetta verður vonandi betra þegar við mætum á mánudaginn í næsta tíma.